الرئيسيةعمرىمجلةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» دخول
الخميس يناير 28, 2016 11:02 am من طرف الشبح

» اعتــــــــــــــرف..
الخميس يناير 28, 2016 10:59 am من طرف الشبح

» رمضان كريم
الإثنين يونيو 15, 2015 6:27 am من طرف كرم احمد

» بمناسبة رمضان كولكشن نغمات وادعيه دينيه واسلاميه
الإثنين يونيو 15, 2015 6:20 am من طرف كرم احمد

» تعبيرات اطفال
الإثنين يونيو 15, 2015 6:10 am من طرف كرم احمد

» برامج لازالة auto run من الفلاشات والجهاز
الخميس مارس 05, 2015 6:09 pm من طرف الشبح

» ماذا تتمنى فى حياتك ؟
الثلاثاء يوليو 23, 2013 6:06 am من طرف الشبح

» مفاجأة اليوم فلوس وتوكنات فى العاب الفيس والاكثر شهره top eleven
الثلاثاء يوليو 23, 2013 5:39 am من طرف الشبح

» تحديث file exe pes 2013 v1.4
الثلاثاء مايو 14, 2013 11:25 am من طرف الشبح

» سيارة BMW للبيع
السبت مارس 23, 2013 8:07 pm من طرف الشبح

» صور الجن التى رعبت قلوب الملايين حول العالم .. مفاجاءه
الخميس فبراير 28, 2013 7:09 pm من طرف الشبح

أفضل 10 أعضاء في هذا الشهر
أفضل 10 أعضاء في هذا المنتدى
الشبح
 
ليالي
 
بطله ذاتها
 
Qeen of mourning
 
حبيبة
 
منبع الاحساس
 
spider
 
Asi
 
سندريلا
 
كرم احمد
 


شاطر | 
 

 ازاي تتعلم الرخامة مهم جدا ههههههههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سندريلا
مشرفه
مشرفه
avatar

Egypt
انثى عدد المساهمات : 654


مُساهمةموضوع: ازاي تتعلم الرخامة مهم جدا ههههههههههههه   الإثنين يونيو 28, 2010 7:28 am



موضوعنا عن الرخامة
وازاي تكون رخم محترف

يعني بعد ما تقرا الموضوع ده هيكون عندك القدرة انك ترخم على طوب الارض
او العكس انك تتقي شر الرخمين

أولاً : ازاي ترخم على ضيوفك !

لو عازم صحابك على العشاء مثلاً .. خليك انت خلص اكل اول واحد
و بعدين روح بسرعة علشان تغسل ايديك .. و بعد ما تغسل ايديك افتح الميه
على السخن بس .. و اقفل الساقع خالص . و استنى شوية 10 ثواني كدا
و بعدين اقفل الميه
و شوف بقى اللي بعدك هيحصله ايه
----

لو جالك ضيف رخم .. روح اعمل شاي و خلي الشاي سخن موحوح و ما تحطهوش في (مج) .. حطه
في كوبيات عادية و املاها للاخر علشان مايعرفش يمسكها

----

و لو عندك ضيف دمه تقيل و عاوز تفلسعه .. اظبط المنبه بتاع الموبايل بحيث كل شوية
يرن يرن و اعمل ان في واحد بيتصل بيك و قوله ( ايه ؟ .. دلوقتي لالا .. عندي ضيف ..
يمكن بعد 10 دقايق ولا حاجه ).

و ما تلبسش ساعة علشان كل شوية تسأله الساعه كام
و لما يكلمك ما تردش عليه من اول مرة .. اعمل نفسك ما سمعتوش
----

و لو واحد رخم و رغاي اتصل بيك حاول ترد عليه بكلام مختصر (ايوه .. ماشي .. حاضر ..
اوكي .. لا .. هشوف) .. و لو فضل يرغي كتير ما تردش عليه و اعمل نفسك بتكلم واحد
جنبك و بعدين قوله (آسف معلش كنت بكلم اخويا) و اعملها كذا مرة .. و لو طول قوي قوي
بقى و مش عارف تخلص منه .. اعمل ان الخط قطع .. و انك مش سامعه و قول (الو ..
الو .. الو .. انت روحت فين ؟؟ ... الو) و
بعدين قوم قافل السكة

----

و لو في حد رافع ضغطك و عايز تعمل فيه مقلب
خد ولاعه وسخن مقبض الباب وبعدين اعمل نفسك بتتكلم في الموبايل و قوله : افتح الباب
..

---

ثانياً : ازاي ترخم على ناس في اوتوبيس !
اول حاجة
انت مثلا مسافرسفر طويل باتوبيس يعنى حوالى 8 او9 ساعات فى الطريق طبعا هيبقى الكل
على اخره

ودى فرصتك يامعلم عشان تزهق فى خلق الله
اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس
دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس
يقف والناس تنزل

انزل قلب فى الشنط وطلعها برة وقعها وافردها فى الشارع وتوه الشنط فى بعض بحجة انك
بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى
الشارع تدور على شنطها


تانى حاجة وانت بتحجز خلى كرسيك جمب الشباك
ادخل انت الاول ومتقعدش فى الكرسى الى انت حاجزه لا اقعد فى الى جمبه طبعا الراجل
الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل
يقعد فيه جرى خليه يقعد سيبه متكلموش

سيبه ساعة واتنين لحد مايكيف على المكان وياسلام لو كان نام وفى عز نومة ازغدة فى
قلبة وقوله دا مكانى ياعم

هيزعق ويقول انا قعدت فيه الاول طلع التذكرة وحطها فى عينه او انده للسواق او وقف
الاتوبيس واعمل خناقة لحد ماتقعد مكانك


تالت حاجة قعدت مكانك وظبطت نفسك ياعم طبعا الراجل الى جمبك دا مش طايق يبص فى
خلقتك خليك مبتسم دايما ومبسوط فى وشة عشان يتغاظ اكتر واديله رست شوية

خش على الى قدامك شوية افرد رجلك من تحت الكرسى وخبط فى رجليه كل شوية وان اكلم
قوله اعملك ايه رجلى طويلة ابقى احجزلك كرسيين ورا بعض ويسلام لو حاطط اكل تحت
الكرسى اخبطه وقعه فى الارض

وكدة يبقى خلصت على الى قدامك ارجع للى جمبك تانى
اول مينام ويريح نفسة صحيه وقوله عدينى اروح الحمام لو سمحت هيقوم متغاظ طبعا وانت
بتعدى حط ايدك على وشه


دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فيه ضحية
تالتة

قوله سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش
غير حمام واحد


واما تخرج لو لاقيتة لسة مستنى قولة على فكرة الميه قطعة وسيبة وامشى
كدة يبق انت كفرت كل اللى فى الاتوبيس تقولى ياعم انت مزهقتش غير تلاتة هقولك لا
بطريقة الشنط زهقت شوية
واتمنى ليكم رحلة خنيقة
-------
ثالثاً : ازاي ترخم على الناس في المحلات !
ادخل اى محل جزم وياسلام لو كان فية زباين اقعد استنى لحد مازبون يقلع جزمتة عشان
يقيس تقوم سادد منخيرك وتمسك بطنك وتقول اوف وتعمل اكنك عايز ترجع وتقول
لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى
زى الطمطماية


ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وقهقه
اوى ويسلام لو وقعت على الارض من الضحك وبصله من فوق لتحت خليه يشك انة مسخرة
هتلاقيه عملها على روحه


ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول
عشان انت جى الاول قولة لا خلص المزمزيل الاول هتقولك شكرا والراجل هيقولك اوك اول
مايبدا معاها زعق اوى وقولة ايه ياعم مش انا جى الاول ولا هيا كوسة ولا عشان بنت
يعنى سبحان الله يجدعان نموت نفسينا يعنى عشان رجالة وسيبه وامشى قبل مايكلم ولا
كلمة


شوف واحد ماشى فى الشارع وعدى من جمبة وامسك منخيرك وقول يخرب بيت الاكل اللي
بتاكلوه ده .. وبص له شوية بقرف وامشى فى حالك


وسخ جزمتك اوى اوى وادخل اى محل نضيف وسيراميك واقعد اجرى فية ودور على اى حاجة
طبعا هيتحرجوا يكلموك بس هما اصلا ميتين من الغيظ


وانت بتاكل في اي مطعم ارمي نفسك علي الارض وصرخ وسمع الناس اللي بتاكل وقول جالي
تسمم من الاكل

ورخم اكتر ومتدفعش حساب الاكل وامشى على كدة
----

رابعاً : ازاي ترخم على السواقين في الطرق !
لما يكون في نزلة بعد كيلو ولا حاجه .. ادي اشارة صفراء يمين و هدي و اول ماتيجي
جنب النزلة قوم داخل شمال و مسرع هتلاقي اللي وراك اتغاظ

سوق عربيتك في الاتجاه المعاكس واي عربيه تعدي من جنبك اشتم صاحبها
*************** **

فى الكليه اوعى الكلام يقع منك
فى الكلية هتقابل صاحبك وهتقعدوا على أى كافيه بقى
هيجى الويتر سيب صحبك يطلب الأول
وبعدين استلم الجارسون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة

طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة طحينية
على اساس انك فى سجن أبو زعبل

أو سندوتشات بيض أو بتنجان أو لبن العصفور
أمسك فى الحاجات اللى مش موجودة كلها

المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل
اللى مش عاجبك أرمى شوية على التربيزة و
شوية على الأرض أنت وذوقك بقى

لو معاك كاتشب مفيش مانع تكتب أول حرف من اسمك
على التربيزة المهم تخليله التربيزة شبه التورتة

ومتنساش تعيب على الأكل وأنت بتحاسب
وكمان تقول الحساب غالى

------
فى المدرج أرشق نفسك بين أتنين متعرفهمش وابتدى الشغل بقى
أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم
كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة
قوله لو سمحت أسكت عشان أفهم
لو مسكتش أنا هقول للدكتور والحركة دى رذلة
ومستفزة جدا بس اشطه يعنى
وياسلام لو واحد وواحدة يبقى أنت كده
جبت من الآخر


لو جنبك واحد بيكتب يبقى اتفتحتلك طاقة القدر
اقعد اسأله وعطله ومتخليهوش يكتب سطرين على بعض

استلم أى حد واسأله المحاضرة هتخلص امتى ؟
وكل فيمتو ثانية كده اسأله
الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم
وكره حياته كلها زى باقى الضحايا


عايز تعمل دماغ حلوة روح على شباك شئون الطلبة
المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله
هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك
تلبسه فى الشباك الحديد وتقول الله ياجماعة
ياللى ورا متزقوش(اوعوا بئا ياجماحه)

ومن قبل ماينطق ولا كلمة تقعد تقوله خلص يالا عشان غيرك
ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك
واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير
وكل مايقولك حاجة قوله مش فاهم معلش قول تانى
فهمنى أعمل أيه بالظبط لحد ماتشل أكبر عدد ممكن..



بس وكدة اقدر اكون سلحتكم بالسلاح اللي تنتفعوا بيه في حياتكم
ههههههههههههههه يارب تكونو استفتوا ويارب يعجبكوا







الرجوع الى أعلى الصفحة اذهب الى الأسفل
ليالي
اداريه
اداريه
avatar

Egypt
انثى عدد المساهمات : 1380


مُساهمةموضوع: رد: ازاي تتعلم الرخامة مهم جدا ههههههههههههه   الإثنين يونيو 28, 2010 7:43 am

ههههههههههههههه جامدة اوعي يا سوما بجد استفد منك كتييييييييييير عشان اعرف ارخم شوية بس فين الجرسون عشان عايزة ساندوتش حلاوة طحينية






الرجوع الى أعلى الصفحة اذهب الى الأسفل
سندريلا
مشرفه
مشرفه
avatar

Egypt
انثى عدد المساهمات : 654


مُساهمةموضوع: رد: ازاي تتعلم الرخامة مهم جدا ههههههههههههه   الإثنين يونيو 28, 2010 8:03 am

هههههههههههههههههههه الجرسون طبعا اتشل ياليالي بسبب الرخامة دي

تسلمي لمرورك ياحبيبتي وياريت تكوني استفدتي وتسمحي تقبلي البوكية دا مني
بمناسبة الرخامة الجديدة هههههههههه







الرجوع الى أعلى الصفحة اذهب الى الأسفل
ليالي
اداريه
اداريه
avatar

Egypt
انثى عدد المساهمات : 1380


مُساهمةموضوع: رد: ازاي تتعلم الرخامة مهم جدا ههههههههههههه   الإثنين يونيو 28, 2010 8:06 am

اكيد يا حبيبت قلبي دة احلي حاجة من احلي بنوتة ربنا يخليكى ليا يا حبيبتي






الرجوع الى أعلى الصفحة اذهب الى الأسفل
سندريلا
مشرفه
مشرفه
avatar

Egypt
انثى عدد المساهمات : 654


مُساهمةموضوع: رد: ازاي تتعلم الرخامة مهم جدا ههههههههههههه   الإثنين يونيو 28, 2010 8:30 am



ويخليكي ليا يارب وميحرمنيش منك ابدا









الرجوع الى أعلى الصفحة اذهب الى الأسفل
Qeen of mourning
نائبه
نائبه
avatar

Egypt
انثى عدد المساهمات : 957

Location : http://3omry.googoolz.com

مُساهمةموضوع: رد: ازاي تتعلم الرخامة مهم جدا ههههههههههههه   الأربعاء يونيو 30, 2010 5:04 pm

ههههههههههههههههههههههههههههه
هههههههههههههههههه
انا لو عملت الي بتقولي عليه ده هضرب وده الاكيد افرض عملت الكلام ده مع واحد عضلات ولا رخم وبعدين كده هبقي مؤذيه وهمشي ارخم في خلق الله هههههههههههههههههههههههههه
بجد موضوع روعـــــــــــــــه جاري التنفيــــــــــــذ


ملكـــــــــــــــة الاحـــــــــــــزان







أنـــثى.. ومن سقط من قلبي
لن أنحني له أبداً..!!
الرجوع الى أعلى الصفحة اذهب الى الأسفل
سندريلا
مشرفه
مشرفه
avatar

Egypt
انثى عدد المساهمات : 654


مُساهمةموضوع: رد: ازاي تتعلم الرخامة مهم جدا ههههههههههههه   الخميس يوليو 01, 2010 12:02 pm

ههههههههههههههههههههه سعتها انا ماليش دعوة ولا اعرف حاجة هبيعك
هههههههههههههههههههههههههههه
ثم مترخميش علي اي حد رخمي علي الرخمين بس
وتسلميلي لمرورك ياهبة ودايما منوراني






الرجوع الى أعلى الصفحة اذهب الى الأسفل
 
ازاي تتعلم الرخامة مهم جدا ههههههههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الترفيه والمغامره والفن :: ضحـــــــــــــــك من القلــــــــــــــب :: نوع ضحكتك-
انتقل الى: